Putin: Ukrainar ætla at leypa á

"Vit hava eina fatan av, at stjórnin í Ukraina fyrireikar eina hernaðaratsókn í Donbass," segði Vladimir Putin, russiski forsetin, sum samstundis vissar um, at Russland ikki ynskir nakað stríð.

Hann vónar at ein friðarlig loysn verður funnin millum partarnar.

Putin heldur tað vera jaligt, at amerikansk og russisk sendifólk eftir ætlan skulu hittast í Genève í Sveits á nýggjárinum. Har skulu tey umrøða kravið, sum Russland hevur sett um trygdargaranti.

Eisini endurtók Putin, at hann metir tað sum hendi í Ukraina í 2014 vera eitt kvett móti lógliga valda forsetanum, Viktor Janukovitsj.

Fyri sjey árum síðani endaðu stóru mótmælisgongurnar móti Janukovitsj, um at hann hevði gjørt samstarbsavtalu við Russland í staðin fyri við ES, at Janukovitsj flýddi úr Ukraina til Russlands. Fleiri vórðu dripin undir mótmælunum, og fleiri enn 13.000 fólk eru dripin í stríðnum í Ukraina, sum enn heldur fram.

Tað veit NRK at siga.