H71 í eldin kl.17.30

H71 í eldin kl.17.30
Fyrra áttandapartsfinalan í EHF Europa Cup verður í kvøld, ímóti serbiska liðnum ZRK Naisa Nai.
H71 kvinnur eftir sigurin á sveisiska Spono Eagles
 
09.01.2022 - 10:43

Í kvøld klokkan 17.30 spæla kvinnurnar hjá H71 fyrru áttandapartsfinaluna í EHF Europa Cup-kappingini.
Tað er á útivølli ímóti Serbiska liðnum ZRK Naisa Nai. Serbiska liðið er í løtuni fjórðfremst í bestu serbisku deildini. 

H71 er nú millum 16 tey bestu liðini í EHF Europa Cup í ár. Tað eru tær, eftir at tær fyrst vundu burtur úr Norður-Makedonska liðnum, WHF Cair úr Skopje, og síðan vunnu trygt á sveisiska Spono Eagles. 

Talan er um eina torføra uppgávu í dag. Við heimasíðuna hjá H71 sigur venjarin, Mark Lausen-Marcher, at tað til dystin í dag, er talan um heilt annan spælistíl, enn tey undanfarnu tvey mótstøðuliðini. Harumframt ger serbiska liðið nógv burturúr, at fáa so nógvar áskoðarar at stuðla sínum liði, sum gjørligt. Tí verður roknað við einum heilt øðrum og torførari dysti.

Um góða viku møtast liðini aftur, tá seinni áttandapartsfinaludysturin verður í høllini á Hálsi í Havn sunnudagin 15. januar. Tann dysturin byrjar kl.14.

Dysturin í kvøld byrjar klokkan 17.30 føroyska tíð. 

Leinki til dystin er her 

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844