Fiskimenn í Hetlandi og Skotlandi fingið nóg mikið av ICES

Shetland Fishermen’s Association (SFA) og Scottish White Fish Producers’ Association (SWFPA) ætla nú sjálvi at fíggja kanningar av fiskastovnunum í Norðsjónum, tí tey meta at verandi skipan er skeiv, skrivar Fiskerforum.

Limirnir í feløgunum eru í øðini um tað sum fer fram, og talan er um ein stóran bólk av fiskimonnum, sum umboða teir sum fiska 80 prosent av hvíta fiskinum, sum bretska fiskivinnan fiskar.

Hetland, Fiskivinna

Frítekst tagging: 

Hetland

Fiskivinna

Fingið nóg mikið av ICES

Fiskimenninir siga seg hava fingið nóg mikið av ICES, altjóða havgranskingarstovninum  og fiskiveiðumyndugleikunum.

Feløgini siga seg arbeiða við eini ætlan, sum fiskivinnufeløg í bæði Noreg og Danmark skulu vera partur av , fyri at tryggja, at alt økið í norðrara partinum av Norðsjónum er við.

- Sum heild eru skiparar og manningar troyttar av tí sum fer fram, tí talan er um eina skeiva umsitingarskipan, sum hevur við sær, at sjálvt væl rikin skip og feløg, ikki fara at hóra undan, sigur formaðurin fyri hetlendsku fiskimenninar, James Anderson.

- Tað kann ikki vera rætt, at vit missa álitið á fiskivinnumyndugleikarnar. Støðan er so vánalig, at vit mugu taka neyðug stig, fyri at finna lopysnir, og tað kunnu vit gera saman við fiskimonnum í øðrum londum. Smáar kvotur kunnu gera enda á okkum, og tí mugu vit gera tilmælir eftir tí fiski sum er í havinum, sigur formaðurin hjá hetlendsku fiskimonnunum.