- Tíðindi, mentan og ítróttur
Amerikanskir rískiborgarar í Hvítarusslandi eiga at sleppa sær úr landinum
Amerikanskir rískiborgarar í Hvítarusslandi eiga at sleppa sær úr landinum
Amerikanskir ríkisborgarar í Hvítarusslandi hava fingið boð um at fara úr landinum, tí Russland savnar herdeildir hvítarussisku megin markið til Ukraina
Russiskir stríðsvognar venja í sambandi við eina møguliga innrás í Ukraina
Mynd: Ritzau / Scanpix
15.02.2022 - 08:45
Amerikanska uttanríkisráðið hevur givið amerikanskum ríkisborgarum boð um at fara úr Hvítarusslandi, tí Russland savnar herdeildir hvítarussisku megin markið til Ukraina.
Amerikanskir ríkisborgarar eiga at fara úr Hvítaruslandi við tað sama, á ein ella annan hátt, eru boðini frá uttanríkisráðnum, skrivar Ritzau.
USA hevur samstundis broytt ferðavegleiðingina fyri Moldova.
Frárátt verður amerikanskum ríkisborgarum at fara til Moldova, tí støðan á markinum við Ukraina er spent.
Boðini frá amerikansku myndugleikunum koma tvær vikur eftir, at amerikanska stjórnin bað skyldfóilk hjá amerikanarum, sum eru í diplomatiskum starvi í Hvítarusslandi, um at fara úr landinum.
Er kopiera
Nýggjastu sendingar í ÚV
