Í Fasta gerðarrætt við uppsagnarmáli

Í Fasta gerðarrætt við uppsagnarmáli
Felagið hjá sjúkrarøktarfrøðingunum hevur nú tvey mál í gerðarrættinum
Annað málið, sum Sjúkrarøktarfrøðingafelagið hevur lagt fyri Fasta gerðarrætt, snýr seg um starvsfólk hjá Heilbrigdi.
 
11.03.2022 - 08:35

Felagið føroyskir sjúkrarøktarfrøðingar er farið í Fasta gerðarrættin við Kommunala arbeiðsgevarafelagnum og Fíggjarmálaráðnum.

Felagið vil hava tey at viðurkenna, at uppsagnartíðin hjá sjúkrarøktarfrøðingi skal verða longd tríggjar mánaðir eftir grein 60 í sáttmálanum, sum er um uppsøgn hjá álitisfólki.

Úrskurðarfundurin um eitt annað mál hjá sjúkrarøktarfrøðingunum í Fasta ferðarrætti verður 24.mars.

Hann skuldi vera 25.februar, men korona forðaði fyri tí.

Tulkingarmál

Fasti gerðarrætturin skal gera úrskurð um eitt mál millum Føroyskar sjúkrarøktarfrøðingar og Fíggjarmálaráðið.

Felagið vil hava Fíggjarmálaráðið at viðurkenna, at starvsfólk hjá Heilbrigdi eigur rætt til munin millum útgoldna løn og løn sum "leiðari 5" ávíst tíðarskeið eftir nýggjari lønartalvu hjá sjúkrarøktarfrøðingum. 

Málið fór fyrst í Føroya rætt, men hann vísti tað frá sær, tí hetta er eitt tulkingarmál, tað er, hvussu sáttmálin millum felagið og ráðið skal tulkast.

Málið kom í Fasta gerðarrættin 4.juni í fjør. 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592