Helgi Hildarson Hoydal: hetta var ikki tað vit ætlaðu

Helgi Hildarson Hoydal var vónbrotin um 34-26 tapið ímóti Týsklandi í Kiel í dag. 

 - Í heila tikið eri eg eitt sindur vónbrotin akkurát nú. Hetta var ikki akkurát tað, vit ætlaðu, men vit møttu einum góðum liði í dag, og tað skulu vit hava virðing fyri, segði royndi strikuspælarin.

Føroyska liðið hevði yvirhøvur ilt við at fáa bóltin framvið Andreasi Wolff í týska málinum. Ikki tí, at Føroyar ikki komu til kjansir, men tí at teir ov ofta vórðu misnýttir. Hlegi Hildarson Hoydal átti fleiri stórar, og hann tók í egnan barm.

 - Eg brenni fýra ella fimm skot, sum kunnu vera avgerandi fyri, um vit hanga í teimum í fyrra hálvleiki, segði landsliðsspælarin úr Viking Stavanger.