Bind og vesipappír kunnu gerast dýrari av tiltøkunum móti Russlandi

Bind og vesipappír kunnu gerast dýrari orsakað av tiltøkunum, sum eru sett í verk ímóti Russlandi. 

Tað sigur svenska felagið Essity, sum er móðurfelag hjá fleiri feløgum - eitt nú Tena, Libresse og Tork, sum selja vesipappír, blæur, bind og aðarar vørur.

Kríggið í Ukraina og dýrari orkuprísir eru orsøkin, sigur Essity.

- Vit hava hækkað prísin munandi og fleiri hækkingar vera í komandi ársfjórðini. Vit hava eisini samráðst um príshækkingar við keyparar í Evropa fyri at viga upp ímóti stóru príshækkingini á orkuøkinum, sigur Magnus Groth, stjóri í Essity.

Hetta verður gjørt samstundis sum felagið kunnar um niðurskrivingar í Russlandi fyri eina milliard krónur, skrivar NTB.

Essity