Vilja hava yvirlit yvir arbeiðið við H-bygninginum

Nú eigur politiska skipanin at steðga á og fáa fult yvirlit yvir arbeiðið við H-bygninginum.

Tað sigur Jørgen Niclasen, tingmaður fyri Fólkaflokkin.

Í mars bað landsstýrið um 51 milliónir krónur afturat til byggiverkætlanina.

Men í vikuni bað landsstýrismaðurin í heilsumálum um 67 milliónir krónur til sama arbeiðið, tí tørvurin er størri enn upprunaliga hildið.

Hetta er bara enn ein eykarokning í røðini, og nú vil Jørgen Niclasen hava politisku skipanina at steðga á:

Eykarokningin fyri kjallaran og lyftina í goymslutorninum er ikki alt, sum kom undan kavi um H-bygningin í gjár.

Í útvarpstíðindunum í gjárkvøldið undraðist stjórin í Húsavarðatænastuni á, hvussu arbeiðið at byggja  H-bygningin á Landssjúkrahúsinum verður lagt til rættis.

Ruth Vang er í fíggjarnevndini, sum hevur fingið umbønina um eykajáttan á sítt borð.

Hon heldur, at fleiri spurningar skulu svarast:

Landssjúkrahúsið og H-bygningurin

H-bygningurin á Landssjúkrahúsinum er aftur komin á Breddan. Enn einaferð skal meiri peningur játtast til byggingina.

Erhard Joensen, formaður í fíggjarnevndini, sigur, at tey fara fyrst og fremst at tosa við Landsverk um støðuna:

Erhard Joensen, Ruth Vang og Jørgen Niclasen skiftu orð um støðuna við H-bygninginum í Breddanum í morgun.

Allur Breddin kann hoyrast her.