Nýggj høli hava givið nýggjar møguleikar

Í august í fjør flutti Tórshavn boksing í nýggj høli á Hjalla eftir nøkur ár í ítróttarhøllini á Hálsi.

Ta er dýrt fyri eitt lutfalsliga lítið felag, men stóri fyrimunurin samanborið við gomlu hølini á Hálsi er, at nú nýtist boksarunum ikki at skiftast um við aðrar ítróttargreinar, men kunnu venja mestsum nær sum helst.

Felagsvenjing er eini tríggjar ferðir um vikuna, men fleiri - millum annað Jonathan Malaikev - venja nærum hvønn dag.

Heldur ringhorn enn gøtuhorn

Tórshavn boksing er eisini farið undir nýtt sosialt tiltak, sum tey kalla ’heldur eitt ringhorn enn eitt gøtuhorn’. Tað gongur í stuttum út upp á, at ung við avbjóðingum kunnu finna felagsskap og samanhald í umhvørvinum rundan um boksifelagið.

Sambært Martini Meng, stovnara og venjari í boksifelagnum í høvuðsstaðnum, hevur undirtøkan higartil verið góð.

boksing_mynd4.jpg

Frítekst tagging: 

Boksing

Tórshavn Boksing

Teitur Annand