Størri ferðsla í Vágatunlinum, men minni í hinum tunlunum

Fleiri bilar koyrdu í Vágatunlinum í apríl enn í mars, men í hinum undirsjóvartunlunum minkaði ferðslan.

Í apríl koyrdu í miðal 2.726 bilar í Vágatunlinum um dagin. Tað eru 262 fleiri akfør enn í mars, tá ið tað koyrdu 2.464 bilar í miðal um dagin.

Ferðslan í Eysturoyartunlinum minkaði úr 5009 akfør í miðal í mars niður í  4.800 í apríl.

Í Norðoyatunlinum koyrdu í miðal 3.824 akfør gjøgnum tunnilin um dagin í apríl. Tað eru 296 færri akfør enn í mars, tá ið miðalferðslan var 4.120 akfør.

Samanborið við í apríl í fjør er hevur tó verið meiri ferðsla í øllum trimum undirsjóvartunlinum.