Víðari til HM endaspæl

U20 landsliðið hjá monnum í hondbólti vann sær pláss í HM endaspælinum við einum 30-28 sigri á Italia í gjárkvøldið. 
Við sigrinum hava U-20 menninir tryggjað sær pláss í U-21 HM í hondbólti, sum verður í 2023 í Týsklandi og Grikkalandi. 

Hákun West av Teigum var sannførandi besti leikarin á liðnum. Hann gjørdist eisini toppskorari við 12 málum, meðan Elias Ellefsen á Skipagøtu var mansvardur tað mesta av dystinum. Hákun West av Teigum var kosin besti leikarin í dystinum. 

Við sigrinum er U-20 landsliðið nú milum 10 tey fremstu landsliðini í Evropa. Teir spæla aftur í kvøld ímóti Slovenia. Tann dysturin byrjar klokkan hálvgum sjey. Kringvarpið vísir dystin.