Jenis av Rana skal standa til svars fyri setan av stýrisformanni

Jenis av Rana, landsstýrismaður í mentamálum, skal nú greiða løgmanni, Bárði á Steig Nielsen frá, hví hann breyt javnstøðulógin í sambandi við setanina av nýggja formanninum fyri Kringvarpsstýrið.

Bárður á Steig Nielsen

Kravið um frágreiðingina kemur eftir, at forkvinnan í Javnstøðunevndini, Mai Laksafoss, í tíðindasendingini í gjár átalaði avgerðina hjá landstýrismanninum. 

Mai Laksáfoss Simonsen

Javnstøðunevndin átalar setanina, tí at býtið millum kynini í Kringvarpsstýrinum nú fer frá at verða fýra menn og tríggjar kvinnur til at vera fimm menn og tvær kvinnur. 

Jenis av Rana segði í stuttari viðmerking í gjár, at javnstøða verður, tá ið nýggja kringvarpsstýrið tekur við 1. januar næsta ár.

Nýggi formaðurin, Símun Jóannesarson Hansen, er fyribils settur, tað sum eftir er av hesum setanarskeiðinum, sum endar á nýggjárinum.

Kringvarpsstýrið verður valt fyri fýra ár í senn.