Nólsoyar Páll avdúkaður fyri aðruferð í dag

Í dag klokkan 11.00 verður standmyndin av Nólsoyar Pálli eina ferð enn avdúkað.

Standmydin er komin aftur í Vágsbotn, men stendur nú úti í sjónum. 

Standmyndin var flutt í november í 2020, tí skoytibreyt skuldi gerast í Vágsbotni.

Hon hevur ligið í einum kassa til nú, hon er komin aftur í Vágsbotn.

Nýskipað Vágsbotn

Í eini royndarverkætlan hevur Tórshavnar kommuna nýskipað allan Vágsbotn.

Endamálið er at royna ymisk hugskot í verki í summar.

Í royndarverkætlanini er vegurin í Vágsbotni umskipaður í ein boga út um eitt nýtt uppihaldstorg mitt í økinum.

Sølubásar og framsýningarhjallar eru komnir.

Nærum 100 metrar av træbryggju eru gjørdir framvið fiskatorginum og suðureftir.

vagsbotnur_joannes_lamhauge.jpg

Frítekst tagging: 

Vágsbotnur

Jóannes Lamhauge, sum er arkitektur hjá Tórshavnar Kommunu, greiddi frá ætlanini í Góðan morgun Føroyar í vikuni.