Tiltøkini hava stórar avleiðingar fyri russiska búskapin

Tiltøkini, sum vesturheimurin hevur sett í gildi móti Russlandi, og at feløg gevast við virksemi sínum í landinum, hava havt stórar avleiðingar fyri russiska búskapin.

Hetta hendir, hóast Russland forvinnur væl av peningi av at selja olju og gass.

Tað vísir nýggj frágreiðing frá búskaparfrøðingum á lærda háskúlanum Yale.

- Tiltøkini og tað, at færri fyrtiøkur eru í landinum, hava ikki bara virkað. Hetta hevur væl og virðiliga lagt russiska búskapin lamnan á fleiri stigum, stendur í frágreiðingini.

Síðani kríggið brast á, eru fleiri enn 1.000 feløg farin úr Russlandi. 

Framleiðslan í vinnulívinum er minkað, og russiska nýtslan er minkað 15-20 prosent í ár, skriva granskararnir á lærda háskúlanum Yale.