Strandfaraskipini skulu hava 28,5 mió. kr. aftrat til olju

Roknað er við, at oljan, sum skipini hjá landinum brúka, fer at kosta 8,10 kr. fyri liturin í miðal tað, sum eftir er av árinum.

Tað sæst í uppskotinum um eykajáttanarlóg, sum er í tinginum.

Biðið er um 28,5 mió. kr. til Strandfaraskip landsins, 2,3 milliónir til Vørn og 1,8 milliónir til Havstovuna. 

Strandfaraskip landsins rinda í ár í miðal 7,44 kr. fyri oljuliturin.

Í fjør rindaðu Strandfaraskip landsins 2,65 kr. í miðal fyri liturin. 

Herjólfur III

Ferðaætlanin hjá Herjólfi III verður kunngjørd í morgin. (Mynd: Bjarni Árting Rubeksen)

Eykajáttan til Herjólf

Strandfaraskip landsins skulu eisini hava eykajáttan til Herjólf III, 3,2 mió. kr., til olju og manning.

Herjólfur III brúkar 1.200 litrar av olju um tíman. 

Ætlanin er, at Herjólfur siglir 42 túrar um vikuna, tá hann skal sigla fyri Smyril. Hetta eru seks túrar fleiri enn upprunaliga ætlað.

Siglt verður við farmi um náttina, so Herjólfur III skal sigla alt samdøgrið.

Ferðaætlanin hjá Herjólfi III verður kunngjørd í morgin.