Landið fekk 160 mió. kr. meira enn væntað

Sambært fíggjarlógini fyri 2021 skuldi landskassin fáa 30 mió. kr. frá partafeløgum og grunnum, men landið fekk 160 milliónir meira enn tað.

Orsøkin er, at Fíggingargrunnurin, sum umsat partabrøv landsins í BankNordik, var strikaður í fjør.

Vinningsbýti frá BankNordik fer nú beint í landskassan.Landið fekk í fjør 156,7 mió.kr. í serstakari útluting frá BankNordik.

Selja partabrøv í Tjaldri

Ætlanin var at selja partabrøvini í Tjaldri í fjør fyri sjey milliónir krónur.

Men tað var av ongum, tí mett var, at koronuóvissan kundi hava neiliga ávirkan á søluprísin.

Men í juni í ár var byrjað at fyrireika søluna.

Í fíggarlógini fyri 2022 er roknað við 79 milliónum krónum fyri partabrøvini í Smyril Line.

Hvítanes, Norrøna, Smyril Line

Í fíggjarlógini í ár verður roknað við at fáa 79 mió. kr. fyri partabrøv í Smyril Line.

Bygningar ikki seldir

Landsgrannskoðanin hevur gjørt frágreiðing um frávik millum játtan og nýtslu í fíggjarlógini fyri 2021.

Aftur í ár verður funnist at, at játtaðar eru milliónir, tí almennir bygningar skulu seljast.

Men teir vera ikki seldir.

Í fjør vóru fimm milliónir krónur í fíggjarlógini.