Dialysukoyringin lýst leys av nýggjum

Landssjúkrahúsið roynir nú aftur at fáa onkran at koyra dialysusjúklingar.

Landssjúkrahúsið fekk einki tilboð seinast.

Tilboðini skuldu latast inn 23.juni, og vinnarin skuldi kunngerast 30.juni. Men einki tilboð kom.

Biðið er nú aftur um tilboð upp á at koyra dialysusjúklingar í Havn og aðrastaðni, har landfast er millum Havnina og bústaðin hjá sjúklinginum, til Landssjúkrahúsið og frá tí aftur.

8.000-10.000 km um mánaðin 

Sambært útboðstilfarinum eru í løtuni 14 sjúklingar, sum hava brúk fyri koyringini.

Kilometratalið er millum 8.000 og 10.000 um mánaðin.

Sandoyggin skal við, tá Sandoyartunnilin er tikin í almenna nýtslu.

Freistin at bjóða hesaferð er til 21.september. Vinnarin verður kunngjørdur longu dagin eftir.