Fakfeløg venda tummilin niður til ætlan hjá landsstýrismanninum

Fakfeløgini, sum eru við í Fakfelagssamstarvinum, mæla eins og Búskaparráðið til at strika ætlanina um at lata pengarnar fyri barnaansingina fylgja barninum. 

Serliga fyri føroysku kvinnurnar, verður skipanini ein meinbogi, heldur Fakfelagssamstarvið, tí skipanin fer at gera, at kvinnunar fáa færri starvsroyndir, lægri starvsaldur og lønarlag. Harvið fáa kvninurnar verri pensjónsuppsparing, og kvinnurnar eru longu frammanundan eftirbátur á hesum økinum. 

Fakfelagssamstarvið á almenna arbeiðsmarknaðinum, Fakfelagssamstarvið

Pedagogfelagið hartar uppskotinum

Fakfelagssamstarvið tekur fult og heilt undir við tilmælinum hjá Búskaparráðnum um at strika ætlanirnar hjá landsstýrismanninum í almannamálum um, at peningurin skal fylgja barninum. 

Eitt av fakfelagsforfólkunum, er Jógvan Philbrow, formaður í Pedagogfelagnum. 

Jógvan Philbrow, pedagogverkfallið 2021

Mynd: Bjarni Árting Rubeksen

"Um fleiri kvinnur vera longri vekk frá arbeiðsmarknaðinum, so verða tað sonevndu kvinnustørvini, ið vera rakt," staðfestir formaðurin í Pedagogfelagnum. 

Fakfelagssamstarvið metir, at uppskotið kann fáa stóra ávirkan á framtíðina, tá hugsað verður um eftirløn.

Tað er neyðugt at skipa tað soleiðis, at familjulív og arbeiðslív kunnu ganga hond í hond, sigur fakfelagsformaðurin. 

pedagogverkfallið 2021,uppílegging í pedagogverkallið, Jógvan Philbrow

Mynd: Bjarni Árting Rubeksen

Formaðurin í Pedagogfelagnum tekur undir við, at foreldur skulu vera meira heima hjá barninum, men uppskotið hjá landsstýrismanninum í almannamálum er ikki tað rætta, sigur Jógvan Philbrow, formaður í Pedagogfelagnum.

Í Fakfelagssamstarvinum eru hesi feløg:  

Akademikarafelagið (AKF)

Føroya Lærarafelag

Starvsfelagið

Felagið Føroyskir Sjúkrarøktarfrøðingar

Føroya Pedagogfelag

Havnar Arbeiðskvinnufelag (HAK)

Heilsuhjálparafelag Føroya