Vesturbýurin í Havn er nú knýttur upp í fjarhitaskipanina

Fjarhitaskipanin í Havn, ið fær avlopshita frá Sundsverkinum, er nú eisini knýtt upp í Vesturbýin. 

Leiðingin frá Finsen í miðbýnum í Havn og út á Landavegin í Vesturbýnum er 1,3 km long, og hon skal hitast spakuliga upp, og tað tekur nakrar dagar.

Fjarhiti, Fjarhitafelagið

Fjarhitafelagið hevur í dag royndarkoyrt skipanina við avlopshita frá Sundsverkinum, og tað gekk væl, segði Hans Christian Dam, stjóri í Fjarhitafelagnum

Umleið 1.700 brúkarar eru nú knýttir upp í fjarhitaskipanina.

Seinastu tvey útbyggingarstigini hava við sær, at oljuútreiðslur fyri fleiri milliónir krónur um árið seinnu árini, meðan útbyggingarnar eru farnar fram, nú hvørva úr aftur fíggjarætlanini hjá Fjarhitafelagnum, sigur felagið í tíðindaskrivi.

Nú høvuðsleiðingin er liðug, og leiðingar eru lagdar út frá henni, er klárt at knýta upp í leiðingina.

Fjarhiti, Fjarhitafelagið