ST-aðalskrivarin: Russisk tøð eiga at sleppa undan tiltøkum

ST-aðalskrivarin heitir nú á heimin um at linka tiltøkini ímóti Russlandi.

António Guterres stúrir fyri hungursneyð í Russlandi, og heitir á heimsins longum at strika tiltøkini móti tøðum.

- Verður marknaðurin fyri tøð ikki fingin í fasta legu, verður trot á matvørum í heiminum næsta ár, sigur Guterres.

Hann sigur, at tað er alneyðugt, at øll lond strika allar forðingar fyri útflutningi av russiskum tøðum. 

- Vit mugu fáa tøðini út til bøndurnar fyri rímiligan prís og út á akurin sum skjótast, skrivar Guterres á Twitter.

Fólk doyggja fjórða hvørt sekund

Fleiri lond, eitt nú ES, hava sett strong tiltøk í verk móti Russlandi orsakað av innrásini og krígnum í Ukraina.

Týsdagin ávaraðu 200 hjálparfelagsskapir í 75 londum í felags fráboðan um, at fjórða hvørt sekund doyr eitt fólk í hungri í heiminum.

345 milliónir fólk líða hungur, og tað er tvífalt so nógv sum í 2019.

Tað stendur í almenna brævinum, har hjálparfelagsskapirnir biðja um fleiri tiltøk til tess at basa hungurskreppuni.