SAS-stjórin kunngjørdi stórar ætlanir - nú leggur hann frá sær

Fyri fáum døgum síðani kunngjørdi stjórin í SAS, niðurlendingurin Anko van der Werff, eina risastóra íløguætlan upp á 65 milliardir kr., men í dag er greitt, at Anko van der Werff fer ikki at standa á odda fyri at seta hesa ætlan í verk, tí á nýggjárinum leggur hann frá sær sum stjóri í SAS.

Anko van der Werff verður nýggjur stjóri í Air Canada.

- Avgerðin var ikki løtt at taka, sigur fráfarandi stjórin í tíðindaskrivi.

Anko van der Werff gjørdist stjóri í SAS 2021 og hevur staðið á odda at endurreisa flogfelagið.

Niðurlendskaflogfelagið KLM og Air France eiga nú eisini í SAS, og ein stórur partur av skuldini er strikaður.

Væl fyrireikað at fara víðari

- Vit hava megnað at koma tikið við avbjóðingum, og nógv er gjørt til tess at styrkja fyritøkuna. Flestu fortreytir eru loknar, og SAS er væl fyrireikað at menna seg víðaei sigur Anko van der Werff.

Stýrið fyri SAS harmast um, at Anko van der Werff fer frá sum stjóri. 

- Hann hevur verið lyklapersónur í arbeiðnum at byggja upp eitt sterkt og betur kappingarført SAS, sigur Kåre Schultz, stýrisformaður.