Óli Mittún: Sävehof er ein góð lopfjøl

Tilveran hjá 17 ára gamla Óla Mittún er byrjað í svenska felagnum IK Sävehof.

- Eg ætli mær at menna meg nógv her, og so ætli eg mær víðari til annað stórfelag, sigur kviki bakspælarin, sum er farin somu leið sum eldra systkinabarnið, Elias á Skipagøtu.

Elias á Skipagøtu eigur eisini ein lut í, at svenska felagið vildi tryggjað sær Óla Mittún.

Beint í eldin

Ætlanin er, at Óli Mittún skal skifta ímillum fyrsta og annað lið. Men eitt sindur óvæntað er bakspælarin vorðin lyklaleikari frá byrjan, av tí Sävehof hevur nógvar skaðar í hópinum.

- Tað hevur gingið væl, og tað hevur tikið okkum eitt sindur av bóli, sigur Michael Apelgren, venjari.

Sjálvur heldur Óli Mittún, at dystirnir hava passað væl til sín spælistíl.

Svenski venjarin leggur aftrat, at ungi hoyvíkingurin er evnaríkur mann ímóti manni, men at hann skal menna seg meira í leiklutinum sum spælskipari.