Føroyskir bankakundar í Danmark skulu eisini brúka MitID

31. oktober fer talgilda innritanin, NemID, í søguna í Føroyum.

Føroyingar, ið brúka danskan banka, sleppa heldur ikki at rita inn á danskar netbankar, um teir ikki hava skift NemID út við nýggju talgildu innritanina, MitID.

Nógvir føroyingar brúka danskar bankar, og umleið 1.100 av teimum hava ikki skift frá NemID til MitID enn.

Lene Moyell Johansen er ríkisumboð:

Lene Moyell Johansen, ríkisumboð

Lene Moyell Johansen er ríkisumboð.

Umleið 6.000 føroyingar fingu sær NemID hjá ríkisumboðnum, tá koronusmittan var í hæddini. Uttan NemID bar ikki til at fáa sær danskt koronupass. Men tað eru ikki hesir føroyingarnir, sum skulu skunda sær at skifta til MitID, sigur ríkisumboðið. Tað ber tó ikki til hjá ríkisumboðnum at avgreiða MitID fyrr enn fyrst í november. 

Hevur tú NemID, ber lættliga til at skifta til MitID á heimasíðuni mitid.dk. Tørvar tær hjálp, ella vilt tú hava MitID uttan at hava NemID frammanundan, ber til at venda tær til ríkisumboðið.