![](https://kringvarp.fo/sites/default/files/styles/myndasavn-width/public/geytin_1_0.jpg?itok=4KjTDmAz)
- Tíðindi, mentan og ítróttur
Geytin sendur beinleiðis í sjónvarpinum fyri fyrstu ferð
![](https://kvf.fo/sites/default/files/styles/grein-ovasta-mynd/public/geytin_3.jpg?itok=PleRmuej)
Í annaðkvøld, leygarkvøldið 22. oktober, verður árliga Geytahandanin í Norðurlandahúsinum, og seks stuttfilmar eru í uppskoti.
Sum nakað nýtt í ár, so fer Kringvarp Føroya at senda Geytan 2022 beinleiðis í sjónvarpinum frá klokkan 19.30.
Finnur Koba er vertur.
Filmarnir, ið eru tilnevndir í ár, eru:
"Sálarkvøl", leikstjóri: Eir í Ólavstovu
"Ver Her", leikstjóri: Maria Winther Olsen
"'Tokskinnarin", leikstjóri: Terji Mohr
"Typiskt", leikstjóri: Sølvi Næs Hoydal
"Steinbíturin", leikstjóri: Klippfisk (Dina Fríða Poulsen)
"Nonstop", leikstjóri: Sølvi Næs Hoydal
Ein dómsnevnd av fak- og bransjufólkum velur ársins Geyta-vinnara, og í henni sita:
Rannvá Jónsdóttir (Filmsfelagið)
Hans Petur Hansen (Kringvarp Føroya)
Sakaris Stóra (Føroyskt Filmsfólk)
Tina Wagner (Filmshúsið)
Pætur M. Dahl (Klippfisk)
Altjóða limur í dómsnevndini: Valdimar Jóhannson, filmsleikstjóri
Atkvøð fyri Áskoðaravirðislønini
Bæði áskoðararnir í Norðurlandahúsinum og sjónvarpshyggjararnir kring landið kunnu atkvøða um, hvør filmur skal hava Áskoðaravirðislønina.
Atkvøðugreiðslan um Áskoðaravirðislønina fer fram umvegis Sona-appina, sum skal takast niður, áðrenn Geyta-handanin byrjar.
Í ár eru báðar virðislønirnar hækkaðar.
Runavíkar Kommuna letur 40.000 krónur til Geyta-vinnaran, og Tórshavnar kommuna letur vinnaranum av Áskoðaravirðislønini 30.000 krónur.