- Tíðindi, mentan og ítróttur
Grønlendsku fólkatingskvinnurnar eru afturvaldar
Grønlendsku fólkatingskvinnurnar eru afturvaldar
Aki-Matilda Høegh-Dam í Siumut hevði stóra framgongd, men Aaja Chemnitz í IA fekk færri atkvøður enn í 2019
Aki-Matilda Høegh-Dam og Aja Chemnitz varðveita sessin á fólkatingi.
Mynd: KNR
02.11.2022 - 08:15
Tær báðar Aki-Matilda Høegh-Dam í Siumut og Aaja Chemnitz í IA blivu sum væntað afturvaldar í Grønlandi í gjár.
Aki-Matilda Høegh-Dam fekk ikki færri enn 6.655 atkvøður. Hetta er stór framgongd hjá henni.
Men Aaja Chemnitz fekk færri atkvøður enn hon fekk í 2019. Tá fekk hon 5.669 atkvøður. Í gjár fekk hon 4.289.
Siumut fekk 37,6 prosent í gjár, og IA fekk 24,6 prosent.
Ikki treytaleysur stuðul
Aki-Matilda Høegh-Dam og Aaja Chemnitz vilja báðar hava Mette Frederiksen sum forsætisráðharra, men tó ikki treytaleyst.
Vallutøkan var 47,8 prosent í Grønlandi. Í 2019 var hon 49,8 prosent.
Hon er støðugt minkandi. Í 2007 var hon 64,4 prosent og 57,7 í 2011.
Er kopiera
Nýggjastu sendingar í ÚV
Nýggjastu sendingar í SV
