Lítil uttanríkispolitikkur í norska valstríðnum

Lítil uttanríkispolitikkur í norska valstríðnum
Norskir politikkarar eru fyri hvøssum atfinningum. Tað er stjórin fyri Norsk udenrigspolitisk Institutt, stytt NuPi, sum finst at norska valstríðnum, tí uttanríkispolitikkur ikki er eitt av høvuðsevnunum
Serfrøðingur finst at vantandi áhuganum fyri uttanríkispolitikki í norska valstríðnum
Mynd: Scanpix  
 
22.08.2013 - 11:10

Ein meiningakannig, sum Sentio hevur gjørt fyri Nupi, vísir, at ein millión norskir veljarar halda, at uttanríkispolitikkur er týdningamikið evni, tá tey gera av, hvønn tey velja. Tað skrivar Ritzau tíðindastovan.

Men veruleikin er, at uttanríkispolitikkur ikki hevur fingið rúm í norska valstríðnum.

Gerandisdagur ávirkaður

Ulrik Sverdrup, stjóri á Nupi, sigur, at gerandisdagur okkara verður, meira enn nakrartíð, ávirkaður av tí, sum hendir úti í heimi. Hann sigur, at norskir politikkarar halda veljarar fyri gjøldur, tí uttanríkispolitikkur ikki verður viðgjørdur.

Kanningin vísti, at 15 prosent av veljarunum hava mest áhuga fyri uttanríkispolitikki, og triði hvør veljari í Noregi heldur, at uttanríkispolitikkur hevur týdning, tá tey seta krossin á valinum 9. september.

Ungir veljarar og umheimurin

Kanningin vísir eisini, at ungu veljararnir hava størri áhuga fyri altjóða spurningum enn innanríkispolitikki. Og tað er við støði í hesum, at Sverdrup kemur við hvøssu atfinningini.

- Politikkarar vísa ikki nóg greitt, at norskur innanríkispolitikkur verður skaptur í aljtóða samanhangi, og at altjóða viðurskifti hava størri týdning enn nakrantíð áður fyri gerandisdagin hjá norðmonnum, Ulrik Sverdrup, stjóri á Nupi.

Er kopiera
Nýggjastu sendingar í ÚV
Mánadag 9. juni
Poppverturin
193018
Mánadag 9. juni
Morgunlestur mánadagur 9.juni 2025
192949
Sunnudag 8. juni
Kórstevnan 2025 - fyrra sending
192995
Nýggjastu sendingar í SV
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979
Leygardag 7. juni
Dagur og vika - teknmálstulkað
192956