633 fólk løgdust aftrat seinasta árið

54.111 fólk búðu í Føroyum 1.oktober.

Tað eru 663 fleiri enn 1.oktober í fjør.  

Seinasta árið hevur vøksturin í fólkatalinum verið lakari enn undanfarnu árini, skrivar Hagstovan. 

1.september búðu 54.081 fólk í Føroyum.

Burðaravlopið er framvegis lítið, tí óvanliga nógv fólk doyggja, men tilflytingin er størri enn fráflytingin.

Størsti vøkstur í Havn og Eysturkommunu

Í kommununum var størsti vøkstur í Tórshavnar kommunu og Eysturkommunu.

Størsta minking var í Sumbiar kommunu og í Viðareiðis kommunu. 

Í bygdum og býum vaks fólkatalið mest í Tórshavn, á Argjum, í Hoyvík og á Strondum.

Tað minkaði mest í Søldarfirði, í Leynum, í Árnafirði og á Viðareiði.