Kommunurnar 24 mió. kr. í avlopi í fjør

Føroysku kommunurnar høvdu í fjør slakar 24 milliónir krónur í avlopi.

Tað er nakað minni -  17,3 prosent - enn árið fyri, vísir ein uppgerð, sum Fíggjarmálaráðið hevur gjørt fyri kommunalu roknskapirnar 2012.

Skylda hálva milliard

Samlaða nettoskuldin hjá kommununum var um ársskiftið slakar 487 milliónir krónur, og tað er nakað minni enn tey bæði árini frammundan, tá nettoskuldin var ávikavist 513 og 544 milliónir krónur.

Samanlagt er nettoskuldin sostatt minkað hesi seinastu árini, men tað kemst serliga av, at nettoognin hjá størstu kommununi, Tórshavnar ommunu, er vaksin.

Havnin størsta avlopið

Í fjør hevði Tórshavnar kommuna 70 milliónir krónur í avlopi. Nærststørsta avlopið hevði næststørsta kommunan í landinum, Klaksvík, og tað var 10,4 milliónir kr.