Ísland vil ikki broyta áseting um føroyskan sildafiskiskap

Ísland vil ikki broyta áseting um føroyskan sildafiskiskap
Málið verður tikið fram aftur í heyst, sigur Árni Skaale, landsstýrismaður í fiskivinnumálum
Vestmenningur er eitt av uppsjóvarskipunum. Føroysk skip sleppa ikki at fiska norðhavssild allastaðni í íslendskum sjógvi.
 
14.11.2022 - 10:39

Ísland vil ikki broyta ásetingina, sum sigur, at føroysk skip ikki sleppa at fiska norðhavssild allastaðni í íslendskum sjógvi.

Árni Skaale, landsstýrismaður, sigur í svari til Bjarna Hammer, løgtingsmann, at avmarkingin var seinast umrødd á fundi við íslendska fiskimálaráðharran í november 2020.

Ísland játtaði at kanna møguleikarnar fyri at endurskoða serligu ásetingina, sum avmarkar, hvar føroysk skip kunnu fiska norðhavssild í íslendskum sjógvi.

Á sumri 2021 fekk Fiskimálaráðið frágreiðing frá íslendsku myndugleikunum.

Teir greiddu frá teimum kanningum, sum íslendska havstovan hevði gjørt av sýnum, sum vóru tikin frá fiskiskapinum eftir norðhavssild í íslendskum sjógvi. 

 

Bjarni Hammer, løgtingsmaður, hevur fingið svar frá Árna Skaale, landsstýrismanni, um føroyskan sildafiskiskap í íslendskum sjógvi. (Mynd: Bjarni Árting Rubeksen)

 

Ikki grundarlag fyri broytingum 

Niðurstøðan var, at Ísland ikki metti grundarlag vera fyri at gera broytingar, tí stór íblanding av summargýtandi sild er á leiðini, har føroysk skip ikki hava loyvi at fiska.

Og Føroyar hava ikki kvotu av summargýtandi sild.

Føroysk skip sleppa ikki at fiska norðhavssild í íslendskum sjógvi sunnan fyri 67 stig, ella hinumegin 50 fjórðinga markið, sum Bjarni Hammer tekur til.

Málið verður tikið fram aftur í heyst, sigur Árni Skaale.

Hann sigur eisini, at 70.000 tons eru eftir av føroysku sildakvotuni, sum er góð 116.000 tons í ár.

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226