Zelenskyj mælir til friðarætlan fyri Ukraina

Ukrainski forsetin, Zelenskyj, mælir til eina friðarætlan fyri Ukraina, so russiska kríggið ímóti landinum heldur uppat.

Tað segði hann, tá hann helt eina sjónbandaða røðu á G20-toppfundinum, sum byrjar í dag, skrivar Reuters.

Hann kom við einum uppskoti um, hvussu endi kann fáast á krígnum í Ukraina, sum nú hevur vart í næstan níggju mánaðir.

Fastur orkuprísur

Uppskotið mælir m.a. til, at prísurin á russiskari orku, skal vera fastur, og ein skipan skal gerast fyri ukrainska kornútflutningin.

- Veljið ta skipan, sum tit halda vera best, og saman kunnu vit skipa friðin, segði hann.

Sambært Reuters, hevur eitt umboð fyri USA sagt, at landið fer at taka frástøðu frá russisku innrásini í Ukraina og ta ávirkan sum kríggið hevur á heimsbúskapin.

Russland er eisini við á G20-toppfundinum. Russiski uttanríkisráðharrin umboðar Russland, eftiur at Vladimir Putin, forseti, boðaði frá, at hann hevði ov nógv um at vera til at fara á G2-toppfundin.