Íslendska sjóverjan fylgir nú skipinum hjá Paul Watson

Íslendska verjuskipið Tór kom í gjárkvøldið fram á skipið hjá Paul Watson, Bandero, sum sigldi í íslendskum sjógvi vestan fyri Ísland. 

Sjóverjuskipið fer at fylgja skipinum á ferðini í íslendskum sjógvi. Umborð á íslendska sjóverjuskipinum eru umframt manningin,  fimm serdeildir og fýra fólk frá servandu deildini hjá sjóverjuni.

Georg Lárusson, stjóri fyri sjóverjuna, sigur við íslendska kringvarpið, at hetta er alt fyriskipað í samráði við løgmálaráðið.

Bandero

Bólkurin hjá Paul Watson hevur fleiri ferðir hótt skipini hjá partafelagnum Hvali og sagt, at endamálið við ferðini til Íslands er at steðga hvalaveiðini.

Skipið hjá Watson, Bandero, kom leygardagin inn um íslendska sjómarkið.

Myndugleikarnir heittu á manningina á Bandero um at tendra AIS-skipanina, sum annars var sløkt. 

AIS stendur fyri Automatic Identification System og vísirr dátur um skipið - knattstøðu, og hvønn veg og hvussu skjótt, tað siglir.