73 ukrainar hava uppihaldsloyvi í Føroyum

73 ukrainar hava fingið uppihaldsloyvi í Føroyum eftir serlógini, sum gevur fólki, ið eru flýdd úr Ukraina, loyvi til fyribils uppihald í Føroyum.

Eftir serlógini er fyribils uppihaldið galdandi í upp til tvey ár.

Í løtuni bíða átta fólk, sum hava søkt um uppihaldsloyvi, eftir svari. Tey eru komin til Føroya úr Ukraina. 

Útlendingastovan

Útlendingastovan sigur, at fólk vanliga fáa svar upp á umsóknina, áðrenn ein vika er farin.

Í Danmark er talið munandi størri. Har hava 30.807 fólk, sum eru flýdd úr Ukraina, fingið uppihaldsloyvi eftir serlógini.

Tað vísir ein uppgerð hjá Útlendingastýrinum í Danmark.