- Tíðindi, mentan og ítróttur
Lívlangt fongsul fyri at hava skotið flogfar niður
Lívlangt fongsul fyri at hava skotið flogfar niður
Øll 298 fólkini, sum vóru við malaysiska flogfarinum, doyðu, tá tað var skotið niður í 2014
Øll fólkini, sum vóru við flogfarinum, lótu lív. Nú er dómur fallin í málinum.
Mynd: Ritzau Scanpix
17.11.2022 - 15:25
Ein hollendskur dómstólur hevur dømt tríggjar menn sekar í ákæruni um at hava skotið eitt malaysiskt ferðafólkaflogfar niður í 2014 við eini rakett, sum var gjørd í Russlandi, skrivar Reuters.
Talan er um tveir russar og ein ukraina.
298 ferðafólk vóru við flogfarinum hjá Malaysia Airlines, sum datt niður nærindis býnum Torez í Donetsk-landspartinum.
Øll lótu lív.
Báðir russararnir og ukrainin eru dømdir lívlanga fongsulsrevsing. Teir skulu eisini rinda í minsta lagi 16 milliónir evrur í endurgjaldi.
Ein fjórði russi, sum eisini var ákærdur í málinum, er fríkendur. Hann noktaði seg sekan.
Eitt talsfólk fyri russiska uttanríkisráðið sigur, at tey fara nú at kanna dómin.
Er kopiera
Nýggjastu sendingar í ÚV
Nýggjastu sendingar í SV
