Annika Olsen er orsøkin

Tað sigur formaðurin í Suðurstreymoyar Tjóðveldisfelag, Heini Hátún.

Hann sigur, at tað er bara málið um uppstillingina hjá Anniku Olsen, sum ger, at Beinta Løwe ikki stillar upp.

Í gjár skrivaði Beinta Løwe, at tað var ein "íkomin støða", sum gjørdi, at hon ikki stillar upp aftur. Hon skrivaði eisini at  "leiðslan visti, at hon ikki fór at stilla uppaftur, um støðan ikki broyttist."

Kringvarpið hevur seinastu dagarnar roynt at fingið viðmerking frá Beintu Løwe, men tað hevur ikki eydnast at fingið fatur í henni. 

Leiðslan í Norðoya Tjóðveldisfelag vil ikki gera viðmerking til málið, men tey siga, at tað fimta plássið á uppstillingarlistanum, sum tey høvdu tókt, var ætlað Beintu Løwe. 

Flestu tjóðveldisfólk eru glað fyri at fáa Anniku Olsen á listan, men tað eru eisini krittiskar røddir.

Høgni Hoydal var gestur í sjónvarpsstovuni.