Ingi Olsen: Elias fer at spæla ein leiklut í dystinum móti Sveis

Ingi Olsen, hondbóltsviðmerkjari, er ikki í iva um, at Elias Ellefsen á Skipagøtu fer at spæla við móti Sveis. Spurningurin er bara hvussu nógv og í hvørjari útgávu?

"Nú spæla Føroyar nógv sjey móti seks, og tað ger, at Elias kann umganga harðar nærdystir sum kunnu meiðsla økslina, sum tú annars upplivir seks móti seks," greiðir Ingi Olsen frá. 

Men tann sannroynd, at tað nú frættist, at Kjartan Johansen og Helgi Hildarson Hoydal sita yvir í morgin, merkir, at Elias kemur á vøllin. 

"Kjartan Johansen er eisini spælskipari, og um hann ikki er við, so merkir tað, at Elias fær ein leiklut í dystinum."

Ingi Olsen leggur ikki fingrarnar ímillum, men staðfestir, at hóast dystirnir móti Italia vístu, at nógvir av leikarunum hava gjørt framstig, so er Elias Ellefsen á Skipagøtu enn avgerandi fyri føroyska manslandsliðið.