Innflytaragentur duga líka væl í skúlanum sum danskir dreingir

Próvtølini hjá gentum í 9. flokki úr innflytaraumhvørvinum eru nú á sama stigi sum hjá donskum dreingjum, ið eru føddir av etniskt donskum foreldrum og uppvaksnir í Danmark.

Hetta er fyrstu ferð, at hesir báðir bólkar í miðal fáa somu próvtøl. Higartil hava donsku dreingirnir ligið framman fyri innflytaragenturnar úr øðrum pørtum enn Vesturevropa.

Tað er tankasmiðjan Kraka, sum hevur kannað próvtølini, við støði í upplýsingum frá danska barna- og undirvísingarmálaráðnum.

Í 2013 lógu dreingirnir 0,44 próvstig framman fyri genturnar, men í nýggjastu uppgerðini er hesir báðir bólkar javnir.