Mads Borchers til HB

Mads Borchers skal spæla við HB í 2023. Tað skrivar facebook-vangin hjá reyðsvarta havnarfelagnum. 

Dúgliga hevur verið gitt, at 20 ára gamli danin, sum veruliga gjørdi vart við seg í 07 Vestur í fjør, fór at skifta til Havnar, og í gjár skrivaði in.fo, at HB hevði fingið framherjan undir land. Nú hevur framherjin so skrivað undir.

- Eg eri komin fyri at vinna og skjóta mál, sigur danin í stuttari viðmerking á facebook.

Mads Borchers var millum eyðsýndastu spælararnar í føroyskum fótbólti í fjør, har hann skeyt 15 mál í 28 dystum, og vinstrabeinti framherjin átti sín stóra leiklut í sjeynda plássinum í landskappingini og hálvfinaluni í kappingini um Løgmanssteypið hjá 07 Vestur.