Skotland lækkar aldurmarkið fyri løgfrøðiligt kynsskifti

Hóast nýskipanin fekk greiðan meiriluta í atkvøðugreiðsluni, er ikki vist, at hon kemur í gildi, skrivar BBC.

Bretska stjórnin við bretska ráðharranum fyri kvinnur og javnstøðu, Kemi Badenoch á odda er tilreiðar at taka stór stig fyri at steðga skotum í at seta nýskipanina í gildi. Hon heldur, at skotska stjórnin ikki hevur umhugsað, hvørja avleiðingar ein møguliga lógarbroyting fer at hava á lívið hjá kvinnum og gentum.

Ein máti at steðga lógarbroytingini er at blokkera "Royal Assent", sum er ein regla í Bretlandi, sum ger tað til ein formalitet, at kongurin góðtekur møguliga lógarbroytingar í t.d. Skotlandi. 

"Royal Assent" kann blokkerast, um tú kanst prógva, at lógarbroytingin er í stríð við bretsku javnstøðulógina.