- Tíðindi, mentan og ítróttur
Læna pengar hóast tiðirnar eru ringar
Læna pengar hóast tiðirnar eru ringar
Útlánsvøksturin góða hálva milliard
Útlánsvøksturin.
Mynd: Landsbankin.
25.12.2022 - 10:37
Føroyingar eru ikki givnar at læna pengar, hóast fíggjarliga støðan er versnað í landinum.
Útlánsvøksturin hjá føroysku peningastovnunum var 2,9 prosent í oktober, siga tølini hjá Landsbankanum.
Hann var 2,7 prosent, tá donsku peninga- og realkredittstovnarnir eru taldir við.
Útlánini hjá føroysku peningastovunum vuksu frá oktober 2021 til oktober 2022 meira enn hálva milliard, 530 mió. kr.
Eisini lántøkan í donsku realkredittstovnunum er vaksin hetta seinasta árið.
Men vøksturin í útlánum hjá realkredittstovnum til viðskiftafólk í Føroyum var ikki eins stórur og hann hevur verið seinastu trý árini.
Er kopiera
Nýggjastu sendingar í ÚV
Nýggjastu sendingar í SV
