Fáa dagstovn á Viðareiði

Frammanundan er eingin dagstovnur á Viðareiði, men 36 børn ganga í dagrøktini, Summardáin, sum heldur til í kjallarinum í skúlanum.

Har starvast seks dagrøktarar, ein námsfrøðingur og ein leiðari.

Verkætlanin fevnir eisini um byggibúgving av Tænastudeplinum, sum Norðoya Bú- og Heimatænasta hevur í umbúna at byggja á Viðareiði.

Tænastudepilin skal fevna um høli til venjingar, heimatænastu og dagtilhald.

Eftir ætlan fer útgravingararbeiðið í gongd tíðliga komandi vár.