Nógvir bilførar koyra altíð ella javnan ov skjótt

Nógvir bilførarar, 68 prosent, koyra altíð, ella javnan, ov skjótt.

Og meira enn annar hvør, 57 prosent, siga, at teir vanliga koyra 90 kilometrar um tíman uttan fyri bygt øki.

Hetta vísa kanningar hjá Ráðnum fyri Ferðslutrygd.

Ferðsluátak

Og tað er ikki í lagi, at so nógv koyra ov skjótt, heldur Ráðið, sum nú hevur gjørt eitt ferðsluátak saman við Trygd og Betri trygging.

Í einum filmi verður ljós varpað á ov skjóta koyring.

Átakið byrjar í dag og varar allan januar. Politiið ger ferðkanningar, meðan átakið er.

Í lagi at koyra ov skjótt

Næstan eingin heldur tað vera í lagi at koyra og ikki brúka trygdarbelti, ella at koyra við kenning.

Men næstan øll halda tað vera í lagi at koyra eitt sindur ov skjótt, sigur Ráðið fyri ferðslutrygd. 

- Sosiali normurin er ikki broyttur á hesum økinum, hóast hópin av átøkum, eftirliti og herðingum í ferðslulógini. 

Men hann kann broytast, heldur Ráðið fyri ferðslutrygd.