Løgmaður veit ikki, hvussu kostnaðarmikil landsumsitingin verður

Ikki ber til at siga, hvussu nógv landsumsitingin fer at kosta, nú aðalráðini eru vorðin níggu, tað eru tvey fleiri enn undanfarna samgonga hevði. 

Ikki er altíð samanhangur millum aðalráðstalið og útreiðslur til fyrisitingina. 

Tað sigur Aksel V. Johannesen, løgmaður, í svari til Jenis av Rana, løgtingsmann.

Landstýrið 2022/23, Aksel V. Johannesen

Dýrari umsiting

Akesl V. Johannsen, løgmaður, ásannar, at løn, møgulig eftirløn og møguligt kostnaðarendurgjald skulu rindast nýggju landsstýrisfólkum í staðin fyri sjey.

Harumframt skulu tveir aðalstjórar aftrat hava løn og eftirløn.  

Ongar útreiðslur eru til at dagføra ella leiga høli.

Færri ráð - fleiri ársverk

Í sínum svari til Jenis av Rana, løgtingsmann, so gera Aksel V. Johannesen, løgmaður, eisini vart við, at hóast aðalráðini gjørdust eitt færri í 2019, so komu fleiri ársverk og útreiðslur í landsfyrisitingini bæði í 2019 og árini eftir.

Og tíggju landsstýrisfólk fingu løn í fjør, tí nøkur nýggj fólk komu í landsstýrið.

Løgmaður svarar, at landsstýrið strembar eftir ikki at seta fleiri starvsfólk, tí aðalraðini eru vorðin fleiri.

Landstýrið 2022/23, Ingilín D.Strøm

Tað kann tó gerast neyðugt, um okkurt øki skal uppraðfestast, eitt nú umhvørvismál og børn og útbúgving. 

Yvirtøkur krevja fleiri fólk

Samgongan hevur eisini sett sær fyri at fremja nakrar yvirtøkur.

Tá er neyðugt at seta fólk í umsitingina. 

Í 2015 vóru 143 ársverk í fyrisitingini hjá aðalráðunum, 3,18 prosent av øllum ársverkunum hjá tí almenna. 

Í 2022 vóru 157 ársverk, 2,96 prosent av øllum ársverkunum hjá tí almenna, sigur Aksel V. Johannesen í svari sínum.