Vil hava nýggju landsstýriskvinnuna at fylgja Demensætlanini

Alzheimerfelagið heitir nú á landsstýriskvinnuna í heilsumálum um at fylgja Demensætlanini frá 2015 og fáa játtanina til landsdemenssamskiparar hækkaða.

Í 2015 var Demensætlanin fyri Føroyar við undirheitinum "Gloymsk, men ikki gloymd", gjørd.

Nú eru vit í 2023, og enn er fyrsta stigið av demensætlanini ikki framt. 14 tilmæli eru í Demensætlanini, og tað fyrsta av teimum er, at fimm landsdemenssamskiparar. ella fólk við servitan um demens, verða sett í starv á Demensklinikkini. Men í løtuni røkkur játtanin bert til tríggjar samskiparar.

Margit Stórá

Margit Stórá er landsstýriskvinna í heilsumálum.

Alzheimerfelagið hevur nú sent nýggju landsstýriskvinnuni í heilsumálum, Margit Stórá, eina áheitan um at fáa játtanina hækkaða, soleiðis at fyrsta tilmælið í Demensætlanini kann setast í verk.

Hoyr innslag í útvarpstíðindum:

Tá eitt fólk fær staðfest diagnosuna demens, skal landsdemenssamskiparin beinanvegin fanga familjuna og tann, sum er sjúkur. Samskiparin skal vera armurin út til kommunurnar og Almannaverkið hjá tí sjúka og hjá teimum avvarðandi, og virka sum teirra kontaktfólk.