Høgni svarar Elsebeth um oljuleiting

Løgtingið fer í dag at viðgera oljuleiting í føroysku undirgrundini.

Hon er evnið í fyrsta skrivliga fyrispurninginum í hesum valskeiðinum.

Elsebeth Mercedis Gunnleygsdóttir spurdi Høgni Hoydal, landsstýrismann, um samgongan fer at loyva oljuleiting í føroyskum øki.

Um svarið er ja, spyr tingkvinnan, um samgongan ætlar at virka fyri fáa oljufeløg at leita eftir olju í føroyskum øki.

Elsebeth Mercedis Gunnleygsdóttir, Landstýriskvinna, Corona, Korona, Covid-19,

Elsebeth Mercedis Gunnleygsdóttir, løgtingskvinna.

Elsebeth Mercedis Gunnleygsdóttir sigur, at einki stendur um oljuleiting í samgonguskjalinum, so vit vita ikki, hvat samgongan ætlar, ella um nøkur semja er um oljuleiting. 

Nú hevur Høgni Hoydal svarað, og svarið og spurningurin vera umrødd á tingfundinum í dag, sum byrjar klokkan 11.