ES minkar orkunýtsluna 12 prosent næstu árini

Evropeiska Samveldið ætlar at minka orkunýtsluna við 11,7 prosent fyri ár 2030.

Tað er høvuðsboðskapurin í eini nýggjari avtalu, sum í morgun er gjørd millum samráðingarfólk hjá ES-ráðnum og ES-tinginum. 

Ritzau skrivar, at ES-tingið vildi minkað orkunýtsluna við 14,5 prosent í 2030, men limalondini ætlaðu, at hon skuldi minkað níggju prosent. ES-nevndin hevði mælt til 13 prosent.

Avtalan skal nú viðgerast av sendifólkunum úr øllum limalondumum og eini nevnd í ES-tinginum.