Val í Turkalandi 14. mai

Val verður í Turkalandi 14. mai. Tað hevur Recep Tayyip Erdogan,forseti, boðað frá í dag.

14. mai hevur verið nevndur fyrr, men tað er ikki fyrr enn nú, at tað er almannakunngjørt, at turkar skulu til val hendan dagin.

Val skal vera í Turkalandi í seinasta lagi 14. juni, men verður altso ein mánað fyrr.

Hetta eru kanska góð tíðindi fyri Svøríki, tí mett verður, at Erdogan fer ikki at góðtaka svenskan Nato-limaskap fyri valið, og tískil vinna sviar ein mánað, um vit so kunnu siga.

Serfrøðingar siga, at Erdogan torir ikki at góðtaka svenska limaskapin fyri valið, tí tá vildi hann staðið veikari hjá teimum konservativu veljarunum í Turkalandi.