Skuldsettur fyri at hava brent koran

Rasmus Paludan er nú skuldsettur fyri millum annað at brenna eina koran. 

NRK skrivar, at tað finst ein serlig grein í svensku revsilógini, sum sigur, at tú mást ikki jagstra ávísar samfelagsbólkar, og at tað er henda greinin, sum Paludan er skuldsettur eftir.

Eisini er Rasmus Paludan skuldsettur fyri at hava hótt ein embætismann.

Ítøkiliga er tað hendingin í Malmø 16. apríl í fjør, sum Paludan er skuldsettur fyri. Tað var har, hann brendi koranina, og hótti.

Paludan noktar seg sekan. 

Kvällsposten skrivar, at orsøkin til, at málið ikki er tikið upp fyrr enn nú, hevur einki við umsóknina hjá Svøríki um Nato-limaskap at gera, men seinkingin er kanningarteknisk, sum Adrien Combier-Hogg, ákæri, málber seg.