Danskarar spritta seg minni nú

Í dag eru liðin trý ár, síðani koronuvirusið legði danska samfelagið lamið fyrstu ferð.

Undir farsóttini svaraði nógvir danskarar í kanningum, at teir roknaðu við at blíva við at spritta seg, eftir at koronfarsóttin var av.

Men veruleikin er ein annar, vísa tøl frá handilssamtøkunum, Coop og Salling Group, sum umboða flestu matvøruhandlar í Danmark.

Tað skrivar danska kringvarpið, DR.

Tey tølini vísa, at sølan av hondspritti aftur er tann sama, sum hon var undan koronu.

- Hetta fortelur nakað um, hvussu skjót vit eru at gloyma, sigur danski professarin, Michael Bang Petersen, sum var við til at kann atferðina hjá danskarum undir koronu.

- Nógv skal til áðrenn vit broyta okkara vanar, og tvey ár við koronu var altso ikki nóg mikið til at broyta henda vanan, staðfestir hann.