Ísland: Byrsumaðurin er handtikin

Løgreglan í Reykjavík hevur handtikið ein mann í sambandi við ein skottilburð sunnukvøldið í náttklubbanum Dubliner í miðbýnum í íslendska høvuðsstaðnum. 

Tvey fólk vóru løstað, tó ikki álavrsliga.

Politiovastin í Reykjavík, Grímur Grímsson sigur, at maðurin fór inn í Dubliner um 19-tíðina í gjárkvøldið, har hann kom í orðadrátt, áðrenn hann skeyt eitt skot inn í veggin við barrina, og flýddi síðani.

Grímur Grímsson - mynd: RÙV

Grímur Grímsson, politiovasti í Reykjavík. (Mynd: RÙV)

Tó er greitt, at framferðarhátturin hjá manninum týðiliga vísir, at talan er um ein vandamiklan mann, og tí fer løgreglan varliga fram í málinum. 

Illgruni er um, at hendingin hevur samband við onnur mál, sum hava verið á skemtistøðum, eitt nú í málinum um Bankastræti Club í november, har fleiri menn brutu seg inn og løgdu við knívi á fleiri fólk, skrivr íslendska kringvarpið RUV.