Orkudepil á Kambsdali til sølu

Útgerðin er nú ogn hjá landinum, og millum annað er talan um tvær vindmyllur, sum framleiða umleið 10.000 kiloWatt-tímar um árið inn á netið hjá SEV.

Tá ið verkætlanin í síni tíð fór í gongd, vóru fleiri partar við til at fíggja hana, og ætlanin var tá, at hetta millum annað skuldi gerast størsta sólorkuskipan í Norðuratlantshavi.

Nú royndarverkætlanin annars ikki hevur verið í gongd síðstu árini, skal økið ruddast, og tí kunnu áhugað nú bjóða upp á útgerðina.